Kështu u mbyllën tri ndeshjet e sotme të Superligës
Sport
December 03, 2017 - 14:58
Janë mbyllur tashmë tri ndeshjet e sotme të xhiros së 18-të të Superligës së Kosovës në futboll, shkruan zeri.info.
Derbi Anamoravës ndërmjet Gjilanit dhe Dritës nuk ka sjellë fitues, pasi skuadrat kanë barazuar pa gola, 0:0.
Ndërkohë, dueli tjetër i rëndësishëm i kësaj xhiroje në mes të Llapit dhe Trepçës ’89 po ashtu nuk solli gola, duke përfunduar 0:0.
Ndërkaq, Vëllaznimi e ka regjistruar një fitore të madhe duke e mundur Besën në Pejë me rezultat 2:1.
Dy gola për gjakovarët i ka shënuar Morina, kurse për pejanët golin e vetëm dhe të pamjaftueshëm e shënoi Krasniqi. /Zëri/