Pas fitores ndaj Dinamos së Kievit, Skënderbeu ngjitet në renditjen e UEFA-s
Sport
November 24, 2017 - 13:36
Fitorja ndaj Dinamos së Kievit në “Elbasan Arena” nuk i dha kualifikimin, por përveç bonusit i siguroi Skënderbeut edhe një ngjitje të fortë në renditjen për klube të UEFA-s.
Korçarët janë aktualisht të pozicionuar në vendin e 136 nga 442 skuadra, duke lënë pas emra si Rosenborg, apo Cervena Zvezda, AEK, Panathinaikos e të tjerë emra të rëndësishëm të futbollit europian.
Skënderbeu vlerësohet me një koefiçient prej 8.500, ndërkohë që në fillim të këtij sezoni renditej në vendin e 204.
Për të gjetur një tjetër shqiptare në këtë renditje, duhet zbritur në vendin e 211, ku ndodhet Kukësi, që pasohet nga Partizani në vendin e 330.
