Grezda: Luajtëm super të gjithë, doja të befasoja Bufonin

Eros Grezda ishte një nga lojtarët më të mirë në fushë në ndeshjen e sotme. “Mendoj se ishte një ndeshje pozitive për të gjithë skuadrën, jo vetëm për mua personalisht. Treguam që dimë të luajmë futboll, duke prodhuar raste për gol. Edhe në Spnjë e treguam një gjë të tillë, por fati nuk ishte me ne.

Trajneri nuk ka folur shumë me mua, por po kaloj një formë të mirë. Më vjen keq që u helmova në Maqedoni dhe humba atë takim, por po bëj gjithçka për ta shpërblyer në maksimum besimin që më ka dhënë trajneri.

Pastaj, gola apo asist, kjo është puna ime. Doja të befasoja Bufonin tek ajo goditja nga jashtë zone, por ai është portieri më i mirë në botë”, – deklaroi Grezda për “Supersport”. I pyetur se ku ndihet më mirë në fushë, ai theksoi se roli i tij i preferuar është si mesfushor krahu dhe jo në sulm.