Mediat sllovene: Nuk do ta besoni, ky mund të jetë trajneri i ardhshëm i Kosovës (FOTO)

Edhe pse nuk ka ende asgjë konkrete, janë mediat sllovene që sot shkruajnë se Srecko Katanec mund të emërohet trajner i Kosovës.

Ishte Gazeta Olle që javë më parë shkroi për mundësinë që trajneri i tanishëm i Sllovenisë të zëvendësojë Albert Bunjakun, i cili do të largohet pas ndeshjeve të tetorit.

“Katanec kandidat për trajner…Nuk mund ta besoni se cilën Kombëtare mund ta drejtojë ai”, është titulli i ekipa.si, raporton “GazetaOlle.com”.Problemi qëndron se Katanec momentalisht është duke drejtuar Slloveninë, dhe ka gjasa të kualifikohet në Kampionatin Botëror.

Nëse kjo nuk ndodh, dhe ai largohet, atëherë mund të nis bisedimet me Federatën e Futbollit e Kosovës.

Një tjetër konkluzë të cilën e përmend edhe ekipa.si, është ajo se Fadil Vokrri dhe Katanec kanë qenë bashkëlojtar tek Partizani i Beogradit.