Chelsea dhe Monaco pas Belottit
Chelsea dhe Monaco janë në garë për të siguruar shërbimet e sulmuesit të Torions, Andrea Belotti, transmeton zeri.info
23-vjeçari ka një klauzolë lirimi prej 100 milionë eurosh në kontratën e tij.
Kjo klauzolë mund të aktivizohet në çdo moment nga klubet jo-italiane. Monaco dëshiron Belottin në rast të largimit të Kylian Mbappes, i cili po kërkohet nga Paris Saint-Germaini.
Monaco po përgatitet për të ofruar 80 milionë euro për reprezentuesin italian, raporton “La Stampa”.
Kjo do të ishte oferta më e madhe e kësaj vere për Belottin, por Torino është në dijeni se klubi francez ka fuqinë financiare për ta aktivizuar klauzolën e sulmuesit.
Ndërkohë, Chelsea pavarësisht transferimit të sulmuesit të Real Madridit, Alvaro Morata ende është duke e vëzhguar Belottin.
Klubi londinez është i gatshëm të ofrojë mbi 75 milionë euro për shërbimet e italianit, i cili shkëlqeu gjatë edicionit të kaluar./Zëri