Milani pas Rafinhas?
Milani është vënë pas mesfushorit të Barcelonës, Rafinha, transmeton zeri.info
Gjigandi italian ka filluar bisedimet e para me katalunasit për transferimin e futbollistit, raporton “Calciomercato.com”.
Raportohet se Milani dëshiron huazimin e Rafinhas, me mundësi blerje në fund të edicionit.
Barcelona ende nuk i është përgjgjur ofertës së italianëve, por thuhet se 24-vjeçari është i gatshëm për të filluar negociatat personale me Milanin.
Rafinha është vëllau i vogël i mesfushorit të Bayern Munichut, Thiago Alcantara dhe ka qenë pjesë e ekipit të parë të Barcelonës në tre vitet e fundit.
Sidqoftë, ai ka vuajtur mjaft shumë nga lëndimet dhe nuk ka arritur ta stabilizojë veten në skuadrën katalunsae.
Braziliani kishte bërë 28 paraqitje me fanellën e Barcelonës gjatë edicionit të kaluar./Zëri