Neymar i lumtur me debutimin
Neymar ndjehet më i “gjallë se kurrë” pas debutimit të tij me Paris Saint-Germainin të dielën, transmeton zeri.info
Braziliani e filloi ne gol aventurën e tij të re te klubi francez, i cili shpenzoi 222 milionë euro për ta transferuar futbollistin.
Paris Saint-Germaini fitoi 3-0 ndaj Guingampit.
Disa analistë kishin deklaruar se largimi i Neymarit nga Barcelona është një hap prapa, por 25-vjeçari është i lumtur me vendimin e tij.
“E dija se largimi nga Barça do të ishte i vështirë, por jam shumë i lumtur këtu. Njerëzit mendojnë se ju vdisni pas largimit nga Barcelona, por jo është e kundërta. Jam më i gjallë se kurrë, luaj dhe jam shumë i lumtur. Shteti, qyteti dhe skuadra ndërron, por futbolli jo.”, shprehet Neymar, i cili shënoi golin e tretë të ndeshjes në minutën e 82-të./Zëri
