Liria përforcohet me një super-portier
Sport
July 27, 2017 - 18:22
Liria e ka bërë goditjen e radhës sot, njofton klubi prizrenas, përcjellë zeri.info.
Në fakt, ekipit prizrenas në Ohër i është bashkuar portieri Mikel Kaloshi.
24 vjeçari sipas të gjitha gjasave do të jetë nën urdhrat e trajnerit Bledi Shkëmbi.
Kaloshi vjen nga Tomori i Beratit, ku pati një stinor të bujshëm.
Më parë Kaloshi kishte bërë karrierë edhe te Bylisi.
“Presim që në ditët në vijim jo vetëm të kompletohet transferi, por edhe të jetë siguria e portës së Lirisë’, ka thënë drejtori Erxhan Dana.
Kjo dhe duket të jetë prurja e fundit për këtë merkato tek skuadra ‘bardhezi’.
Liria këtë fundjavë kthehet nga përgatitjet dy javore në Ohër, ku kaloi një fazë intensive të përgatitjeve, për edicionin e ri. /Zëri/