I shkëlqyeshmi Agron Smakiqi (FOTO)

Sport July 17, 2017 - 12:18

Agron Smakiqi ka treguar klasë të lartë në boks, ndonëse për të deri më tani pak është folur në opinion.

Smakiqi po merr lëvdata të shumta pas fitores që e shënoi në fundjavën që shkoi përballë Abdulnaser Delalic. Goditjet e tij ishin të papërballueshme për boshnjakun, me ç’rast kosovari fitoi me lehtësi, raporton "Zëri".

Në fakt, Smakiqi ka lindur në Zagreb të Kroacisë, por babai i tij është nga Kosova. Vet Smakiqi krenohet me prejardhjen e tij shqiptare, ndërsa ka bërë fotografi edhe me fanellë të klubit më të madh të futbollit kosovar, FC Prishtinës.

Miqtë e tij thonë fjalë shumë të mira për personalitetin e tij. Ai është një djalosh 27 vjeçar, që din t’i respektojë të tjerët dhe mjaft i disiplinuar. Kurse, njohës të boksit e vlerësojnë lartë kualitetin e tij profesional.

Smakiqi është i gjatë 198 centimetra dhe peshon 108,5 kilogramë. Deri në fundjavë numëronte 9 fitore, të gjitha me nokaut, kurse pas fitores ndaj Delalicit është ngjitur në kuotën e 10 triumfeve.

Luftën e Smakiqit kundër Delalicit e ka shikuar nga afër edhe legjenda e boksit shqiptar, Luan Krasniqi, i cili shoqërohej nga mjeku i mirënjohur, Dr. Halil Krasniqi./Zëri/

ImageImageImageImage

Image

Image
Image
Image