Mustafi shpreson në qëndrimin e Sanchezit
Mbrojtësi shqiptar i Arsenalit, Shkodran Mustafi shpreson që ylli i klubit londinez, Alexis Sanchez të qëndroj tek anglezët, transmeton zeri.info
Ka kaluar pothuasje një muaj nga përfundimi i edicionit 2016/2017 dhe e ardhmja e kilianit mbetet e paqartë.
Kontrata e sulmuesit me Arsenalin skadon në qershor të vitit të ardhshëm kurse tashmë pas futbollistit janë vënë Bayern Munichi dhe Manchester City.
Reprezentuesi i Gjermansië dëshiron që kiliani të vazhdoj me Arsenalin.
“Shpresoj që ai të qëndrojë, do të ishte shumë keq nëse e humbasim. Ai është një lojtar i jashtëzakonshëm, për mua njëri ndër më të mirët në botë.”, deklaroi Mustafi.
“Nuk më ka rastisu të njohë shumë futbollistë, të cilët janë të “uritur” si ai. Kur ai e ka kontrollin e topit, të gjithë e dinë se diçka mund të ndodhë. Kur ai i afrohet portës, ju nuk mund t’ia merrni topin.”, shtoi futbollisti shqiptar.
Alexis Sanchez kishte realizuar 24 gola gjatë edicionit të kaluar në Premierligën angleze./Zëri