Majlinda: 2017-ta ka filluar si është më së miri

Majlinda Kelmendi është kthyer në Kosovë pasi shkëlqeu në Kampionatin Evropian të xhudos, ku e kishte fituar medaljen e artë ditë më parë.

“2017-ta ka filluar si është më së miri, jam bërë e para në Grand Slam në Paris, ndërsa Evropianin është hera e tretë që po e fitoj. Këtë radhë isha më pak e motivuar duke e pasur parasysh se jam kampione olimpike. Sidoqoftë, ka shkuar mjaft mirë. Shpresoj që në Kampionat Botëror do të jem shumë më e motivuar. Katër luftërat i kam fituar me ippon”, deklaroi Majlinda për RTK, raporton zeri.info.

“Unë po shpresoj shumë që tash e tutje të mos kem probleme dhe lëndime, kjo është kryesorja. Shpresoj të kem shëndet dhe gjithçka do të shkojë mirë”, vazhdoi ajo. /Zëri/