Sport

Emery trajner i Romës?

Emery trajner i Romës?
21 prill 2017 • 14 : 56

Edicioni i ardhshëm me shumë gjasë Romën do ta gjejë me trajner të ri, pasi po thuaj është i sigurt largimi i Luciano Spallettit, shkruan zeri.info. Në krye të bankinës së kryeqytetasve të Italisë me gjasë do të emërohet trajneri aktual i PSG-së, Unai Emery.

“Corriere dello Sport”, shkruan se për t’i fituar shërbimet e tij, zyrtarët e Romës janë duke bërë gati një kontratë tre-vjeçare. Nëse ndodh kjo, atëherë tekniku spanjoll përsëri do të bashkëpunojë me drejtorin sportiv Verde Monchi, i cili po ashtu gjatë verës do të arrijë në Romë.

“Gazzetta dello Sport” shkruan se ish-përzgjedhësi i kombëtares franceze dhe PSG-së, Laurent Blanc, po ashtu është kandidat për ta zëvendësuar Spallettin, i cili edhe ashtu pati paralajmëruar largimin nëse Roma e përfundon edicionin pa asnjë trofe të fituar, ndërsa një gjë e tillë është shumë afër të ndodhë./Zëri/ 

© zëri.info