Pedro, lajm i madh për Barcelonën
Sulmuesi i Chelseas, Pedro ka bërë të ditur se negocioi rikthimin në Barcelonë me presidentin e klubit katalan, Josep Maria Bartomeu, gjatë afatit kalimtar të verës.
Kampioni i La Ligës ishte në kërkim të një sulmuesi dhe identifikoi Pedron si objektiv të mundshëm.
Por, transferimi nuk u realizua derisa Barcelona angazhoi Paco Alcacer nga Valencia.
Pedro ka konfirmuar se zhvilloi bisedime me klubin e tij të fëmijërisë. “Kam biseduar me Bartomeun”, deklaroi Pedro për “RAC 1”.
“Është e vështirë të riktheheni diku, por ju gjithmonë keni kujtime nga aventura në një klub”, u shpreh ai, përcjell "Zëri.info".
Pedro u transferua në Chelsea më 2015 nga Barcelona dhe ngadalë ka filluar të shndërrohet në futbollist të rëndësishëm tek skuadra nga “Stamford Bridge”.
Ai realizoi golin e parë në fitoren 4:0 ndaj Manchester Unitedit, të dielën.
