Raul: Ky futbollist do ta fitojë "Topin e Artë" (FOTO)
Ish sulmuesi i Real Madridit, Raul Gonzalez beson se Cristiano Ronaldo do ta fitojë “Topin e Artë”.
Ikona e “Los Blancos” është i bindur se reprezentuesi portugez do të shpallet futbollisti më i mirë i vitit në botë.
Ronaldo është zgjedhur në mesin e 30 futbollistëve në listën e gjerë të magazinës franceze “France Football”, që do ta shpallë fituesin.
Dhe, Raul beson se më i miri do të jetë Ronaldo. "Mendoj se Cristiano do të fitojë Topin e Artë", ka thënë Raul për “Cadena Ser”, përcjell "Zëri.info".
“Liga e Kampionëve dhe Euro 2016 janë jashtëzakonisht të rëndësishme, dhe kjo është arsyeja pse unë mendoj se ky është viti i Cristianos”, ka theksuar ai.
Ronaldo konsiderohet si favorit për “Topin e Artë”, ndërsa dy rivalët e tij më të mëdhenj pritet të jenë sulmuesi i Barcelonës, Lionel Messi dhe ylli i Atletico Madridit, Antoine Griezmann. 
