E dhimbshme: Çun Lajçi merr lajmin se vajza e tij e vdekur ka fituar llotarinë amerikane!
Vitin që kemi lënë pas aktorit të njohur Çun Lajçi i vdiq vajza, Bubulina.
Aktori shumë shpesh i ka dedikuar fjalë prekëse vajzës së ndjerë, mungesën e të cilës e ndjen çdo ditë.
Përmes një postimi bërë në llogarinë e tij në Facebook, Çun Lajçi ka shkruar një letër të gjatë, e cila të bënte me lot.
Kjo ngase, ai ka treguar se ka marrë lajmin se vajza e saj e ndjerë ka fituar lotarinë amerikane.
“Se sa me fat ishe moj sugarica e babës, tregon letra që mbrrini n’imelë adresën time nga USAFIS Immigration Services:
Bubulina Lajci, Congratulations! You Are Eligible!
E lexova nji herë e dhetëherë, e prap nuk iu besova syve t’mi.
Kur e përkëtheva n’Google translate e ndjeva se si filloi me m’u mpi trupi nga habia.
A e dini more sa e lumtun do t’ishte sot po ta merrte lajmin! A e dini more hej?
Ti tani noton n’barkun e miliona krimbave, e unë n’miliona kujtime digjem për ty e n’heshtje thërras:
Urime Grin Carta Bubulinë.”, shkruan ndër të tjera aktori.
