Banka ProCredit sjellë Elvana Gjatën live, në koncert të hapur për publikun
Banka ProCredit po vazhdon traditën e festës së madhe të verës. Këtë vit, ProCredit sjell yllin e madh të muzikës shqiptare, Elvana Gjata, e cila për një kohë i ka munguar skenës me performancat e saj live në kryeqytet.
Më 14 korrik, Elvana Gjata do të vijë me koncert të madh dhe të hapur për publikun i cili mbahet në parkun e Fakultetit Filozofik dhe Bibliotekës Kombëtare në Prishtinë.
Elvana do të vijë me performancë live para publikut të Prishtinës me disa nga këngët e saj më të reja, duke përfshirë edhe hitet e fundit dhe këngët e reja të 3EP.
“Koncerti pritet të fillojë prej orës 19:00 dhe të gjithë klientët, partnerët e bankës, bashkë me ta edhe gjithë qytetarët janë ftuar publikisht nga ana e bankës.
Në njoftimin e bankës mësohet se koncerti është falas.