Putin e pranon se e ka gënjyer gruan e Donald Trump, Melania

Gjatë samitit të G20 i mbajtur në Hamburg në korrik të vitit të kaluar, Putin gjatë një darke me Zonjën e Parë të Amerikës, Melania Trump, ka folur për shumë çështje dhe tema, që nga tigrat e Siberisë, arinjtë e Kamçatkës, e deri te peshkimi, transmeton Zeri.info.

“Natyrisht siç pritet edhe në rastet e tilla, paksa e kam tepruar kur bëhet fjalë për madhësinë e peshkut që e kam peshkuar”, ka thënë Putin, duke e pranuar se e ka gënjyer Melania-n. “Si të flasësh për peshkimin e mos ta zbukurosh paksa?”, ka thënë ai, shkruan më tej zeri.info.

Në pyetjen nëse ka provuar ta rekrutojë Melanian, Putin është përgjigjur me buzëqeshje: “Jo, nuk e kam bërë këtë një kohë të gjatë. Edhe pse kam dashur ta bëj këtë. Siç e dini, kjo ka qenë puna ime me vite”./ZERI