Flet aktori i famshëm për ngacmimet seksuale: Këto janë gjëra fëmijësh dhe pjesë e çmendurisë

Showbiz January 15, 2018 - 12:49

Liam Neeson e ka komentuar skandalin që është duke e dridhur Hollywoodin qe disa muaj.

Gjatë një interviste për një televizion irlandez, aktori ka thënë se akuzat për keqtrajtim seksual me të cilat po përballen kolegët e tij, janë gjueti shtrigash.

Image

“Janë disa njerëz, personalitete të njohura, të cilët përnjëherë janë akuzuar se e kanë prekur gjurin e ndonjë femre ose diçka të ngjashme, dhe përnjëherë janë përjashtuar nga gjithçka që kanë punuar”, ka thënë ylli i “Taken”, shkruan Telegrafi.

Njëri prej aktorëve të akuzuar për abuzime seksuale është edhe Dustin Hoffman, të cilin e kanë paditur gjashtë femra.

Mirëpo, Neeson thotë se këto janë gjëra fëmijësh dhe pjesë e çmendurisë që ndodh në botën e teatrit dhe filmit.

Image

“Dustin Hoffman është thënë se ua ka prekur gjoksin femrave, ndërsa këto janë gjëra fëmijësh”.

“Nuk them se kam bërë gjëra të ngjashme. Megjithatë, po ndodh diçka shumë serioze. Fokusi është vetëm te Hollywoodi, mirëpo kjo ndodh në secilën industri”, ka deklaruar 65-vjeçari.

Pos Hoffmanit, në mesin e shumë personazheve të Hollywoodit, me akuza për keqtrajtime seksuale dhe përdhunime përballen edhe Harvey Weinstein dhe Kevin Spacey.