Pas tragjedisë në Manchester reagon Ariana Grande
Këngëtarja Ariana Grande ka reaguar pas tragjedisë së ndodhur në Manchester teksa po mbyllej një koncert i saj.
Si pasojnë e sulmit kanë humbur jetën 22 persona dhe plagosur 57 të tjerë.
“E thyer. Nga thellësia e zemrës më vjen keq, nuk kam fjalë”, shkruhej në statusin e këngëtares, transmeton "Zeri.info".
Shumica e viktimave janë nën moshën 18-vjeç.
Ndërkohë, viktima e parë e sulmit terrorist në Manchester është identifikuar si 16-vjeçarja Georgina Callander.
Fansja e zjarrtë e këngëtares e kishte takuar më parë idhullin e saj, dhe kishte shpërndarë foto me të në Instagram dhe Twitter.
Georgina kishte shpërndarë entuziazmin e saj të dielën e kaluar, pasi kishte siguruar një biletë për në koncertin e këngëtares së saj të preferuar.
“Prehu në paqe Georgina. Të dua shumë, ti dëshiroje shumë më shumë nga kjo botë. Jam me fat që të kam takuar”,- i ka shkruar një mikeshë e saj në Instagram, ku kanë vërshuar mijëra mesazhe ngushëllimi për vajzën adoleshente. /ZËRI/