Lifestyle

Si të veproni kur fëmijët shajnë?

Si të veproni kur fëmijët shajnë?
15 janar 2018 • 09 : 57

Qeshemi dhe shkrihemi nga butësia kur fëmijët tanë flasin fjalët e tyre të para. E gjitha kjo është e ëmbël derisa e dëgjojmë sharjen e parë. Atëherë duhet të reagoni në mënyrën e duhur.

Fëmijët duhet të pasurojnë fjalorin e tyre, por përfundimisht jo me sharje. Prindërit shpesh në mënyrë jo të mirë sillen në këso situata: reagojnë shpejt, mërziten apo edhe në disa raste, fatkeqësisht qeshen dhe kjo u duket si argëtim, transmeton "Zeri.info".

Ky është vendimi më i keq. Vogëlushët, sigurisht, nuk e dinë domethënien e shumë fjalëve që fillojnë “t’i hedhin” në fjalorin e tyre, e kështu as sharjet. Për këtë secili reaksion i shpejtë; e qeshura, kritika e ashpër, vëmendje e theksuar mund të përkeqësojë situatën dhe ta bëjë fëmija të vazhdojë me sharje.

Më së miri është që fëmijës me ton të mirë t’i tregoni që nuk është mirë ajo që ai ka thënë, p.sh. t’i themi që i hidhëron njerëzit përreth. Theksojani që gjithmonë t’ju pyesë nëse nuk e di domethënien e fjalës.

Theksojani fëmijës që askush në shtëpi nuk përdor aso fjalësh, përcjell "Zeri.info". Fëmijët edhe pse nuk i kuptojnë fjalët e kanë kuptuar që përdoren në raste nervoze apo frustrimi.

Andaj duhet t’u tregoni mënyra tjera se si t’ia bëjnë me hidhërim, që është në rregull të jetë nervoz, por nuk bën të thotë fjalë të pista. Nëse vazhdon me këtë sjellje mund të provoni ta injoroni derisa fëmija nuk i mërzitet, apo kohë pas kohe t’i thoni që nuk është në rregull dhe që do ta dënoni nëse vazhdon kështu.

Mos provoni ta pyesni fëmijën ku e ka mësuar këtë fjalë, kush i ka thënë, sepse jo gjithmonë e dëgjon nga njerëz. Vogëlushi juaj me siguri nuk kujtohet ku e ka dëgjuar, sepse aty janë TV-ja, këndet e lojërave, fëmijët tjerë, komshinjtë, etj. /ZËRI/

© zëri.info