Hulumtimet e reja thonë se NUK duhet të frikësohemi nga VDEKJA

Lifestyle August 07, 2017 - 14:57

Shumica e frikësimeve tona në jetë ndërlidhen me frikën e vdekjes. Por sipas hulumtimeve të reja, nuk është nevoja të ndodh kjo! Për këtë studim, të publikuar në muajin qershor në “SAGE Journals’, hulumtuesit kanë krahasuar postimet e ndryshme të shkrimtarëve me sëmundje të përhershme me fjali të pjesëmarrësve të shëndetshëm të cilët e kishin pasur për detyrë të imagjinojnë se kanë vetëm pak muaj jetë.

Hulumtuesit, në bazë të këtij eksperimenti, kishin zbuluar se personat të cilët kishin qenë vërtet të ballafaquar me vdekjen kishin përdorur fjalor më pozitiv sesa pjesëmarrësit me diagnoza imagjinare.

Kurt Gray, i cili ka ndihmuar në këtë studim, ka thënë për prestigjiozen ‘The Guardian’, “Unë besoj se kjo ndodh për shkak se ata e dinë se gjërat janë duke u bërë më serioze, dhe kësisoj ata fillojnë ta pranojnë realitetin dhe përqendrohen në gjërat pozitive sepse e dinë se nuk kanë edhe shumë kohë në këtë jetë”.

Çdo personit i cili ka vuajtur nga ndonjë sëmundje serioze apo ka qenë prezent kur ndonjë i afërm ka vdekur, nuk do t’i duket kjo befasuese. Me një jetëgjatësi të caktuar, ju duhet të bëni çmos për ta shfrytëzuar kohën e mbetur. /Telegrafi/