Zbulohet më në fund sekreti i flokëve të Trump-it
Pse po flasim për flokët e Trump-it dhe njëherë? Epo, ngaqë duken ashtu si duken, njerëzit duan të dinë si e arrin Trump pamjen e tij tipike dhe kjo është zbuluar më në fund.
Dhe ku kështu? Në librin e publikuar dje, “Fire and Fury: Inside Trump’s White House” të Michael Wolff.
Kur autori vinte vërdallë shtëpisë së bardhë, e bija, Ivanka e tallte vazhdimisht tek të tjerët të atin për flokët. Dhe kështu e mori vesh Wolff, rrjedhimisht dhe ne.
Po hë, si e arrin Trump pamjen e tij tipike? Si fillim, kini parasysh që Trump është komplet qeros në çaçkë. Së dyti, kini parasysh që Trump i është nënshtruar një ndërhyrjeje estetike.
Trump?! Ndërhyrje estetike?! Nuk është ashtu si mendoni. Kirurgët i kanë prerë pjesën e skalpit ku s’kishte flokë dhe pjesën që kishte flokë, e kanë tërhequr dhe shtriqur që të mbulojë gjithë kokën.
Kushton shumë, zë kore gjithandej dhe nuk funksionon gjithmonë. Dhe kjo s’është e gjitha. Sipas librit, Trump i merr flokët nga balli, nga anët dhe i kreh për lart që t’i mbulojnë çaçkën. Për t’i mbajtur në vend, presidenti përdor sasi të bollshme llaku.
Përveç këtyre, Trump gjithashtu kurohet me finasteride, një medikament që parandalon rënien e mëtejshme të flokëve dhe ka efekte të rënda anësore fizike, psikologjike dhe ejakulatore.
Po ajo ngjyra e urryeshme? Trump përdor një bojë për burra, sipër librit, të quajtur Just for Men. Sa më gjatë të lihet në flokë, aq më shumë e errëson flokun. 
Por floku i Trump-it s’është i errët? Mesa duket, Trump s’ka durim të presë dhe e mban bojën në flokë më pak se ç’duhet. Prandaj përfundon me një krifë të verdhë në portokalli.
