Skënderbeu 'rikthehet' në Krujë, kësaj here mbi mushkë (Video)
I njohur për betejat e gjata me osmanët dhe fitoret që solli për kombin shqiptar, Skëndërbeu është figura më e çmuar që kemi e që na bën të ndihemi krenarë.
E për shkak të kësaj në qytete të ndryshme të Shqipërisë, por jo vetëm, janë ngritur statuja të heroit tonë.
Ndërsa pasditen e së shtunës, një sozi e Skënderbeut, ka bërë parakalimin në qytetin e Krujës, “Krujës qytetit të bekuar”, siç i adresohej poeti kombëtar Naim Frashëri në veprën “Historia e Skënderbeut”.
Një qytetar ka sjellë pamje në JOQ ku shprehet i habitur për “guximin” e Skëndërbeut të kohëve modern.
“Qytetari me fizionomi si të heroit kombëtar, Skënderbeu, ka parakaluar me mushkë nëpërmjet pazarit të Krujës dhe të shumtë ishin ata që për një moment nuk u besuan syve dhe nxorën celularët të filmonin paradën”,- shkruan qytetari.
