Dua Lipa arrin sot në Prishtinë, ja në sa ora do të flasë ajo

Këngëtarja kosovare me famë botërore, Dua Lipa arrin sot në Prishtinë. Ajo do të vijë për të marrë pjesë në festivalin “Sunny Hill Festival”, që po e organizon fondacioni i saj këtë vikend në parkun “Gërmia”.

Organizatorët e festivalit kanë konfirmuar për “Zeri.info” se Lipa do të mbërrijë gjatë ditës së mërkure në Prishtinë kurse në ora 19:00 do të flas para gazetarëve në konferencën për media.

Dua Lipa është artistja kryesore e ditës së premten (10 gusht) në “Sunny Hill Festival”. Në anën tjetër, të shtunën në skenën e “Sunny Hill Festival” do të ngjitet shqiptari amerikan Action Bronson, që mbërriti dje në Prishtinë, ndërsa dita e fundit e festivalit, e diela, përfundon me DJ-in më të mirë në botë për momentin, Martin Garrix.

Dua Lipa gjatë qëndrimit në Kosovë pritet të marrë pjesë në disa aktivitete bamirësie që organizohen nga fondacioni i saj “Sunny Hill Foundation”. Zëri