Kultura

Edi Mehana sfidon vetën si regjisor

Edi Mehana sfidon vetën si regjisor
15 nëntor 2017 • 10 : 20

Aktori kosovar, Edi Mehana, pas roleve të shumta në seriale dhe filma amerikanë, tashmë ka vendosur të sfidohet edhe prej një këndi tjetër, atij të regjisorit.

“The Pride”, është filmi i metrazhit të shkurtër, i cili xhirimet i ka përfunduar në muajin gusht. Ky film për skenaristë ka Virtyt Kelmendin e Edi Mehanën.

Filmi “The Pride” (Krenaria) flet për luftën e fenë, por prek edhe çështjet e komunitetit LGBTQ. Në film gjenerali Turman qëndron në karrocë si pasojë e plagëve të luftës, por edhe mburret me krenari për shërbimin e tij ushtarak. Ky veteran preokupohet nga disa vendime që merren në ushtri me të cilat nuk pajtohet.

Ai gjithashtu nuk mund të pajtohet me fatin e djalit të tij Christian, i cili që 5 vite është zhdukur në luftë, në Middle East.

Edhe pas telegramit nga ushtria që djali i tij është i vdekur, ai ende beson se Christian është gjallë, sa që fillon të shkruaj letra në emër të djalit të tij dhe i shtyn miqtë e tij t’i lexojnë letrat për t’i bindur se Christian është gjallë. 

Në anën tjetër gjenerali ballafaqohet edhe me homoseksualitetin e djalit të tij të dytë.

Në këtë film me rolet e tyre luajnë aktorët: Charles Tiedje, Dominic Capone, Doug Mcdade, Chris Maher, Gabija Guzauskaite, James Fuller, Kenny Lone Eagle, Harold Dennis, Luis Centeno e Edi Mehana. /ZËRI/ 

© zëri.info