Elizabeth Gowing shkruan libër për filigranin në Kosovë
Elizabeth Gowing, autorja dhe humanistja angleze që jeton në Kosovë, ka publikuar librin e saj më të ri.
Libri mban titullin “The Silver Thread” në shqip “Fija e argjendit”, njofton Klan Kosova.
Ky libër i kushtohet artizanatit të njohur të filigranit në Kosovë, sidomos në pjesën e Prizrenit.
Libri përmban rrëfime personale të Gowing, duke shkruar kështu me shumë dashuri për këtë mjeshtëri të rrallë, për historikun e filigranit, por edhe për stolitë e veçanta të shumë kërkuara në botë.
Promovimi i librit është bërë mbrëmë në Londër në një ngjarje të organizuar nga ambasada e Kosovës atje.
Gowing në një postimi të sajin ka falënderuar të gjithë të pranishmit dhe të gjithë ata që kontribuuan në bërjen e këtij libri.
Përveç se është tashmë një autore e mirënjohur, Elizabeth është edhe një humaniste e vërtetë, duke ndihmuar komunitetet më në nevojë në Kosovë, përmes organizatës Theideaspartner Ship (TIP).