24 Mars 99
Ora katër pa një qerek
Qafa zbrazët
Autoblinda zingjirë
Nisë kah Kosova Film
Ora katër pa pesë
Pallati i Rinisë
Turma ushtarësh
Rrapllimë çizmesh
Ora katër fiks
Qyteza Pejton
Serbe me shami të zeza
Shushurimë mes gardheve të metalta
Ora katër e pesë
Ora e Kurrizit
Kerre civile pa tabela
Nisë drejtë tynelit
Ora katër e shtatë
Pllatoja e Dardanisë bosh
As një fmi që vizatonte me shkumës
As një fmi t'u u hulatë n'kapak bërllogu
As një mizë
As një za
Tak dekt
Ora katër e nantë
Dimitrije Dogangjič
Veshur paramilitar
Zbret shkallët
Ora katër e dhetë
Kojshiu në shkallët e katit të dytë
Shpricin e lugën në dorë
S'vret mendjen
Lum si ky, them
Ora katër e nimdhetë
Mumje në katin e tretë
Dera e hekurt mbyllë
Rraplloj me krye
Ora katër e dymdhetë
Prind më qortojnë nga meraku
Më hupi ora
Lajme në TV, në trangjistorin e kuq
Në magnetofon gumzhimë
Kllapi e shekullit
Sy mshelë dëgjoj gjithçka
Nuk shoh at' dreç ore me numra romak
Zhurma e trangjistorit i ikë fjalët
Ushtria Çlirimtare e Kosovës...
Terorristi is Albanske...
NATO...
Erdhi ora
Rrababammmm
Caku i parë Lakrishte
Ish Plastika
Shpresë rrqethje tutë
Përqafim t'fikët gëzim
Shtrëngim ofshamë lotë
...se s'ka fjalë në fjalorin e shqipes
Që përshkruan at' ndjesi!