Aksident i rëndë në Pejë, vdes çiklisti 27-vjeçar

Si pasojë e një aksidenti të mbrëmshëm, ka vdekur një çiklist 27-vjeçar në qytetin e Pejës.

Ngjarja ka ndodhur rreth orës 22:40 ku çiklisti është goditur nga vetura.

Lajmin e ka konfirmuar edhe Policia për Rajonin e Pejës.

“Në vendngjarje kanë dalë menjëherë njësitet relevante dhe vdekja e viktimës është konstatuar nga ekipi mjekësor. Me vendim të prokurorit trupi i pajetë i lejohet familjarëve për ceremoni mortore”, ka thënë policia në Rajonin e Pejës.