Kronika

Tragjedi në Prishtinë: 73-vjeçari vret gruan dhe bën vetëvrasje

Tragjedi në Prishtinë: 73-vjeçari vret gruan dhe bën vetëvrasje
19 qershor 2018 • 13 : 51

Lexoni më shumë detaje

Një ngjarje e rëndë ka ndodhur sot në mesditë në Prishtinë, në rrugën “Fitim Duraku”, në lagjen “Kolovica”, raporton “Zeri.info”.

Policia e Kosovës ka konfirmuar se fillimisht 73-vjeçari me inicialet H.C kishte plagosur bashkëshorten e tij 66-vjeçare Z.C, dhe më pas kishte bërë vetëvrasje.

Sipas Policisë, 66-vjeçarja nuk ka mundur që t’i mbijetoj plagëve të marra nga arma dhe ka ndërruar jetë, raporton “Zeri.info”.

Policia nuk ka dhënë më shumë detaje në lidhje me rastin, ndërsa hetimet se si ka ardhur deri te kjo tragjedi familjare ende nuk dihen, raporton “Zeri.info”

Njoftimi i plotë i Policisë:

Sot rreth orës 12:00, policia  ka marrë informacionin se në rrugën “Fitim Duraku” , në Prishtinë, ka pasur të shtëna me armë zjarri.

Menjëherë pas marrjes së këtij informacioni në vendin e ngjarjes kanë dalë të gjitha njësitet  e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes.

Me të dalë në vendin e ngjarjes policia ka hasur në dy persona njëri (mashkull) i vrarë nga arma e zjarrit dhe një (femër) e plagosur, e cila po ashtu ka ndërruar jete pasi që nuk ka arrit të përballoj plagët e shkaktuara nga arma e zjarrit.

Vdekjen e viktimës H.C. mashkull 73 vjeç, e ka konstatuar ekipi mjekësor në vendin e ngjarjes, ndërkohë që vdekja e viktimës Z.C. (femër) 66  vjeç, është konstatuar nga ekipi  mjekësor në QKUK.

Bazuar në  hetimin preliminar të kryer nga hetuesit rajonal dhe krimteknika, është ngritur versioni  se fillimisht është plagosur viktima Z.C   nga personi H.C dhe më pas  ky i fundit dyshohet  se ka kryer vetëvrasje me armë zjarri e cila edhe është gjetur në afërsi të tij.

Hetuesit rajonal për hetimin e krimit së bashku me hetuesit policor të stacionit Veriu në Prishtinë,  në koordinim me prokurorinë përkatëse, me një intensitet të shtuar menjëherë kanë filluar ndërmarrjen e një varg  veprimesh hetimore dhe po bëjnë  përpjekje për  të ndriçuar dhe sqaruar të gjitha rrethanat që kanë të bëjnë me rastin.

© zëri.info