Rrëfimi për Adonisin nga Mitrovica i cili ishte në vdekje klinike por u shpëtua nga mjekët
Në këtë repart të Qendrës Klinike Universitare të Kosovës qëndron i shtrirë, Adonis Boja.
Ai është në gjendje të rëndë pas një aksidenti që kishte pasur të dielën në njërën në pishinat e Mitrovicës.
Aq e rëndë ishte gjendja e tij, saqë babai, Mentor Boja, njoftoi gjatë ditës për vdekjen e të birit.
LEXO EDHE: Babai nga Mitrovica e shpalli djalin të vdekur, mjekët e shpëtojnë gjatë operacionit
Në fakt Adonisi kishte përjetuar vdekje klinike.
Por falë angazhimit të mjekëve në QKUK, 15 vjeçari u kthye sërish në jetë.
Tash gjendja e tij shëndetësore raportohet të jetë stabile.
Xhaxhi i Adonisit, Petriti ka treguar se di ndodhi që babai ta raportojë djalin e vdekur.
Adonisi u aksidentua të dielën në njërën nga pishinat e Mitrovicës.
Kishin qenë shokët e tij ata të cilët në gjendje të rëndë shëndetësore e kishin nxjerrë nga uji.
Familja Boja që në mëngjes ishin bërë gati për varrimin e Adonisit, tash luten për shërimin e djalit të tyre.