Një e vdekur dhe disa të lënduar në një aksident në magjistralen Prishtinë-Mitrovicë
Kronika
May 25, 2018 - 23:32
Lexoni lajmet më të fundit nga vendi dhe bota
Si pasojë e një vetëaksidenti në rrugën nacionale Prishtinë- Mitrovicë, në rrethrrotullimin afër fshatit Mazgit, një person ka humbur jetën dhe tre të tjerë janë lënduar.
Komandanti i trafikut rajonal në Prishtinë Milaim Fejzullahu tha se aksidenti ka ndodhur rreth orës 22:30.
“Një 32 vjeçare ka humbur jetën në aksident dhe tre të tjerë janë lënduar dhe janë duke u trajtuar në QKUK”, tha Fejzullahu për kallxo.com
Ai tha se sipas informacioneve të para të lënduarit janë jashtë rrezikut për jetë.
Fejzullahu tha se deri tek aksidenti dyshohet të ketë ardhur për shkak të mospërshtatjes së shpejtësisë në rrethrrotullim.
Për rastin është njoftuar edhe prokurori.
