Shpërthim në veri të Mitrovicës
Kronika
March 16, 2018 - 00:05
Lajmi i Fundit
Rreth orës 23:10 ka shpërthyer një bombë në veri të Mitrovicës, saktësish në rrugën “Shumadica”.
Lajmin e ka konfirmuar për Telegrafin zëvendëskomandanti i Policisë së Kosovës për rajonin e Mitrovicës, Besim Hoti.
Ai tha se bomba është hedhur mbi një puset në rrugën “Shumadica”.
“Nga betonimi përreth ku është hedhur bomba dhe nga dridhjet që janë shkaktuar janë thyer dy-tri xhama të një shtëpie të banuar me serb. Nuk ka të lënduar”, ka thënë Hoti për Telegrafin.
Policia e Kosovës gjendet në vendin e ngjarjes dhe po heton rastin.
Ndërkaq, banorët thonë se ndjehen të frikësuar, pas shpërthimit të granatës.