Vritet një person në Ferizaj
Kronika
February 28, 2018 - 19:34
Detaje
Një vrasje ka ndodhur të mërkurën në Ferizaj.
Një person është vrarë në mbrëmje, në rrugën “Reçaku”, në hyrje të qytetit.
Lajmin e ka konfirmuar zëdhënësi i policisë së Kosovës për rajonin e Ferizajt, Agim Gashi.
Në një prononcim për Gazetën Express, Gashi ka thënë se bëhet fjalë për një të vrarë me armë zjarri, ndërsa viktima është mashkull, i moshës së re.
Tash për tash nuk dihen detaje të tjera për rastin. Policia aktualisht ndodhet në vendin e ngjarjes, duke zhvilluar hetimet.