Kronika

Zbardhen detaje të reja, se si shoferja përplasi veturën ku humbën jetën dy persona

Zbardhen detaje të reja, se si shoferja përplasi veturën ku humbën jetën dy persona
24 shkurt 2018 • 10 : 26

Janë zbardhur detaje të reja në lidhje me aksidentin e sotëm në Kavajë ku një shtetase 30-vjeçare ka përplasur me makinë, 3 shtetas ku dy prej tyre kanë ndërruar jetë.

Makina tip “Toyouta” ka goditur vjehrrin bashkë me nusen e djalin e vogël 8-vjeç.

Fatkeqsisht, goditja ishte aq e fuqishme sa vjehrri dhe nusja kanë ndërruar jetë në vend , ndërsa i mituri është dërguar me urgjencë në spital në gjendje të rendë.

Viktimat janë Xhemil Fisku 69 vjeç, Edlira Fisku 34 vjeçe, ndërsa fëmija i plagosur 8 vjeç, me inicialet Xh.F.

Drejtuesja e mjetit është I.P. 30-vjeçe dhe bëhet e ditur se është shoqëruar në polici.

Njoftimi i policisë

Kavajë Informacion paraprak. Me datë 24.02.2018 rreth orës 07:40, tek Mali i Robit në afërsi të Kavajës, ka ndodhur një aksident me pasojë vdekjen.

Mjeti tip “Toyota” me drejtuese I. P., 30 vjeçe, ka aksidentuar me pasojë vdekjen 2 shtetas (vjehri dhe nusja) shtetasit Xh. F., 69 vjeç dhe E. F., 34 vjeçe.

Gjithashtu është lënduar edhe fëmija i mitur XH. F, 8 vjeç, i cili u transportua në spitalin e Durrësit, dhe ndodhet nën kujdesin e mjekëve .

Paraprakisht dyshohet se shkak i aksidentit ka qenë humbja e kontrollit gjatë drejtimit të mjetit.

Grupi hetimor po kryen veprimet për zbardhjen e plotë të aksidentit, ndërsa drejtuesja e mjetit është shoqëruar në Komisariat për veprime të mëtejshme.

© zëri.info