Sulmi në Kuvend, sot shpallet aktgjykimi ndaj katër aktivistëve të Vetëvendosjes

Kronika November 17, 2017 - 09:34

Sot në Gjykatën Themelore të Prishtinës pritet të shpallet aktgjykimi ndaj katër aktivistëve të Lëvizjes Vetëvendosje, të cilët akuzohen nga Prokuroria Speciale për sulmin në ndërtesën e Kuvendit në gusht të 2016-ës.

Kështu është paralajmëruar në seancën e fundit e cila u mbajt me 13 nëntor, ku u dhanë fjalët përfundimtare të në rastin e të akuzuarve: Frashër Krasniqi, Atdhe Arifi, Adea Batusha dhe Egzon Haliti.

Sipas Gjykatës, shpallja e aktgjykimit do të bëhet më 17 nëntor, në ora 13:00.

Në fjalën përfundimtare, avokati i Frashër Krasniqit ka thënë se prokurori ka dështuar të bindë se sulmi kundër Kuvendit të Kosovës është kryer nga klienti i tij dhe të akuzuarit e tjerë.