Vdes në QKUK personi që u lëndua ditë më parë në aksident
Kronika
October 16, 2017 - 11:12
Një person, i cili kishte pësuar lëndime në një aksident që ka ndodhur më 7 tetor në rr. “Xhemajl Mustafa”, në Podujevë, ka ndërruar jetë në QKUK.
Policia e Kosovës njofton se viktima mashkull, i cili si pasojë e lëndimeve të pësuara në aksident ishte duke u trajtuar në QKUK, ka vdekur dje.
Me urdhër të prokurorit, trupi i pajetë është dërguar në Institutin e Mjekësisë Ligjore për obduksion.
Rasti nga Policia po trajtohet si aksident trafiku me fatalitet.
