Ndėrron jetė deputeti i LDK-sė, Agim Kikaj

Ndėrron jetė deputeti i LDK-sė, Agim Kikaj

SHPËRNDARJE

19 Maj 2017 • 08:18 •

Ka vdekur deputeti i LDK-së në legjislaturën që sapo ka përfunduar, Agim Kikaj. Lajmin për vdekjen e tij e ka dhënë këshilltarja për media e Lidhjes Demokratike të Kosovës, Netja Bejta.

“Jam shumë e pikëlluar për lajmin e vdekjes së njeriut shumë të ndershëm dhe intelektual deputetit të LDK-së , zotit Agim Kikaj . Para disa orësh e takuam në punimet e KP -së, njeri shumë modest dhe optimist për ne të rinjtë”, ka shkruar ajo.

Shkaktari i vdekjes se tij mësohet të jetë infarkti në zemër.

Kikaj ka lindur më 10 shkurt 1963. Ai kishte të përfunduar Fakultetin Juridik dhe atë të Letërsisë dhe Gjuhës Shqipe. Ishte pjesë e Këshillit të Përgjithshëm të LDK-së – organit më të lartë të kësaj partie.

Varrimi i të ndjerit bëhet të premten, 19.05.2017, në orën 17:00 në fshatin Lupç i Poshtëm të Podujevës.