Kronika

Arrestohen dy aktivistë të Lëvizjes Vetëvendosje

Arrestohen dy aktivistë të Lëvizjes Vetëvendosje
21 prill 2017 • 09 : 43

Janë arrestuar dy aktivistë të Lëvizjes Vetëvendosje.

Kështu ka njoftuar ky subjekt politik përmes një mesazhi të publikuar në llogarinë e Facebookut.

Veton Dragusha dhe Blerim Maqestena janë arrestuar për pjesëmarrjen në një protestë të para disa vjetëve të organizuar prej kësaj partie.

Ky është njoftimi i Lëvizjes Vetëvendosje

Në vend që të luftojë strukturat ilegale dhe t’i arrestojë pjesëtarët e saj që çdo ditë e luftojnë shtetin tonë, pushteti kriminal i Isa Mustafës vazhdon përndjekjen dhe arrestimin e aktivistëve të VETËVENDOSJE!-s.

Derisa dje ky kryeministër e emëroi drejtuesin e këtyre strukturave, Ivan Todosijeviqin, për ministër të Administrimit të Pushtetit Lokal, sot veglat e tij arrestuan aktivistët Veton Dragusha e Blerim Maqastena, për shkak të pjesëmarrjes në një protestë para disa viteve.

Ka kohë që ky pushtet e ka bërë të qartë se angazhimi i tij është në kundërshtim me interesin e shtetit të Kosovës. Ky pushtet që protestuesit i lufton haptazi është i vendosur po e shndërron Kosovën në një shtet të egër autoritar.

Prandaj është domosdoshmëri edhe angazhimi kundër vazhdimit të kësaj qeverisjeje.

Aktivistët duhet të lirohen menjëherë dhe përndjekja ndaj VETËVENDOSJE!-s të ndalojë.

© zëri.info