Aksident në Vlorë, makina përplas këmbësorin në mes të qytetit
Kronika
March 17, 2017 - 09:22
Një aksident ka ndodhur mëngjesin e sotëm në qytetin e Vlorës. Rreth orës 7:25 në lagjen “Pavarësia”, një mjet tip ‘Peugeot’ ka përplasur një këmbësor.
Këmbësori është dërguar në spital ku paraprakisht mësohet se ndodhet jashtë rrezikut për jetën.
Po kështu nuk dihet ende identiteti i të plagosurit, ndërsa policia ka shoqëruar në komisariat drejtuesin e mjetit E. K banues në Vlorë.
Sipas një portali online vijonë hetimet për zbardhjen e plotë të shkaqeve dhe rrethanave të aksidentit.