Kronika

Bllokohet Kukësi, Kosova i çon mjet për hapjen e rrugëve (Foto)

Bllokohet Kukësi, Kosova i çon mjet për hapjen e rrugëve (Foto)
11 janar 2017 • 23 : 31 foto • zëri.info

Në drejtim të fshatrave malorë të Kukësit, Ministria e Infrastrukturës e Kosovës, ka nisur një automjet të rëndë për hapur rrugën Borje-Restelicë, Shishtavec dhe rrethinë.

Lajmin e ka konfirmuar menaxheri për mirëmbajtjen e rrugëve në rajonin e Prizrenit, Ferid Tafallari.

Ai tha se kjo do iu mundësojë banorëve të këtyre fshatrave që rezultojnë të bllokuara që nga 4 janari që të lidhen me Restelicën dhe komunën e Dragashit, përcjell oranews.

Hapja e këtij aksi rrugor do ju vijë në ndihmë banorëve të bllokuar për më shumë se një javë, për rastet emergjente, po ashtu edhe për tu furnizuar me ushqime dhe medikamente mjeksore në komunën malore të Dragashit.

Deri në këto momente, janë hapur dy kilometra rrugë, ndërsa po punohet që banorët e kësaj ane të kenë mundësi kalimi në rrugët magjistrale të Kosovës.

© zëri.info