I vdekuri nė Pallat tė Drejtėsisė, palė e njė procedure gjyqėsore

I vdekuri nė Pallat tė Drejtėsisė, palė e njė procedure gjyqėsore

0

SHPËRNDARJE

11 Janar 2017 • 16:26 •

Një person rreth moshës 50 vjeçare gjatë ditës së djeshme ka ndërruar jetë në Pallatin e Drejtësisë në Hajvali, raporton “zeri.info”. 

“Zëri”, ka kontaktuar me zëdhënësen e Gjykatës Themelore të Prishtinës, Mirlinda Gashin, në lidhje më këtë rast, dhe sipas saj personi tanimë i ndjerë ishte palë në një procedurë gjyqësore.  

“Lidhur me kërkesën tuaj që keni parashtruar konfirmojmë se dje në Departamentin e Përgjithshëm -Divizioni për çështje Civile ka ndërruar jetë një person me inicialet F.Sh., rreth moshës 50 vjeçare i cili ka qenë palë në procedurë në një çështje civile”, ka bërë të ditur Mirlinda Gashi

Sipas Gashtit, në bazë të dëshmive nga dëshmitarët e rastit personi i cili ka ndërruar jetë për një moment nuk është ndjerë mirë ku me ç’rast është alivanosur.

“Sipas dëshmitarëve, ai për një moment nuk është ndjerë mirë dhe është alivanosur. Gjykata Themelore menjëherë ka njoftuar ndihmën e shpejtë e cila pavarësisht përpjekjeve nuk ka arritur ta rikthej në jetë të ndjerin. Lidhur me rastin është njoftuar edhe Policia e Kosovës”, ka thënë në fund Gashi. /Zeri/

Komentet

comments powered by Disqus