Më shumë se 12 vjet burg për tre të akuzuarit për prostitucion dhe shpërlaje parash
Gjykata e Apelit thotë se tre të akuzuarve për vepra penale për mundësimin e prostitucionit dhe shpërlaje parash, iu janë vërtetuar dënimet me burgim dhe konfiskim të pasurisë më vlerë afro 1.5 milionë euro
Gjykata e Apelit e Kosovës, i ka refuzuar si të pa bazuara me 25.10.2016, ankesat e Prokurorisë Speciale të Kosovës dhe avokatëve mbrojtës të akuzuarve A.A., I.R. dhe A. Xh, transmeton "Zeri.info"
Aktgjykimi i Gjykatës Themelore në Ferizaj, i datës 10.05.2016, është vërtetuar.
“Tre të akuzuarve, u vërtetohen dënimet me burgim dhe konfiskimi i pasurisë me vlerë afro 1.5 milion eurove”, thotë njoftimin e Gjykatës,
Njoftimi i plotë i Gjykatës:
Gjykata e Apelit e Kosovës, i ka refuzuar si të pa bazuara me 25.10.2016, ankesat e Prokurorisë Speciale të Kosovës dhe avokatëve mbrojtës të akuzuarve A.A., I.R. dhe A. Xh.. Aktgjykimi i Gjykatës Themelore në Ferizaj, i datës 10.05.2016, është vërtetuar.
Sipas këtij aktgjykimi, i akuzuari A.A. është gjetur fajtor për veprat penale: Mundësim i prostitucionit dhe Shpëlarje e parave në bashkëkryerje, për çka është dënuar 6 vjet burgim dhe 50 mijë euro gjobë.
Për të njëjtat vepra janë gjetur fajtor edhe dy të akuzuarit tjerë I.R. dhe A .Xh., të cilët janë dënuar, secili me nga tre vjet e gjashtë muaj burgim dhe 20 mijë euro gjobë.
Në bazë të dispozitave ligjore në fuqi, të akuzuarve po ashtu u është konfiskuar përhershëm, pasuria e cila është vërtetuar se është fituar në mënyrë te kundërligjshme, e që kap një vlerë afro 1.5 milion eurove.
