Jetë

Kapen 18 milionë dollarë kokainë në ngarkesën me banane

Kapen 18 milionë dollarë kokainë në ngarkesën me banane
23 shtator 2018 • 08 : 01

Lexo detajet

Një sasi rekord kokaine është kapur të premten në SHBA. Dy oficerë të Departamentit të Drejtësisë Penale të Teksasit kanë zbuluar 18 milionë dollarë kokainë në qytetin e Freeportit që ndodhet në gjirin e Meksikës, të fshehur në një ngarkesë me banane.

Sipas mediave amerikane ngarkesa e bananeve kishte si destinacion Departamentin e Burgjeve, ku një biznes i Freeport kishte ofruar dy paleta me banane si një donacion për Njësinë Scott. Bananet u dhuruan për shkak se ishin të pjekura.

“Metodat e trafikantëve të drogës janë gjithnjë në ndryshim” , tha zëdhënësi i Departamentit të Drejtësisë Penale të Teksasit, Jeremy Desel.

“Një nga rreshterët vërejti se njëra nga kutitë nuk dukej e drejtë, dukej pak më larg, e hoqi atë kuti nga një paletë dhe pa se brenda saj kishte diçka të dyshimtë”shpjegoi Desel.
Ishin 45 kuti në të cilat krahas bananeve ishin fshehur edhe 540 kg kokainë. Vlera e drogës vlerësohet rreth 18 milionë dollarë. Agjentët e Doganës dhe DEA-s sekuestruan lëndën narkotike.

LEXO EDHE: Të qash i bën mirë mendjes

“Është një konfiskim shumë i rëndësishëm,” tha Campbell, i cili shpjegoi se gjetjet quhen “ngarkesa të mbuluara”, droga të paligjshme të fshehura në ngarkesa të mallrave legjitime dhe të përdorura nga trafikantët për të lëvizur drogën në vend. Agjentët kapin shpesh “ngarkesa të mbuluara”.

Doganat amerikane nuk kanë komentuar operacionin dhe as biznesi të cilit i përkiste ngarkesa me banane.

Në operacione të ngjashme DEA ka sekuestruar heroinë të fshehur në baterinë e makinës, fentanyl ose fentanil të fshehur në gomën rezervë të makinës, marijuanë në një dërgesë me pjepër.

 

 

© zëri.info