Jetë

Shprehitë që shkatërrojnë karrierën tuaj

Shprehitë që shkatërrojnë karrierën tuaj
15 maj 2018 • 14 : 27

Lexoni më shumë detaje

Sjelljet që përsëriten mjaft shpesh, bëhen të zakonshme, transmeton "Zeri.info".

Ndonjëherë nuk jemi të vetëdijshëm për përshtypjen e sjelljes tonë në mjedisin ku jetojmë.

Mirëpo, me apo pa vetëdije, ju me këto zakone e rrezikoni seriozisht karrierën tuaj, por edhe vendin e punës, pasi askush nuk dëshiron që në kompaninë e tij të ketë një person i cili vazhdimisht ankohet, nuk është i përpiktë në punën e tij, të shumtën e kohës e kalon duke u argëtuar në rrjete sociale, e të ngjashme.

Prandaj duhet të keni kujdes me veprimet tuaja, nëse dëshironi që karriera e juaj të avancojë më tutje.

Ja disa zakone të këqija që me siguri ju pengojnë të avanconi karrierën tuaj:

Ankoheni në punë

Nëse keni pasur një ditë të vështirë në punë, është e kuptueshme që duhet të relaksoheni. Problemi ndodh vetëm nëse e bëni atë në praninë e personit të gabuar.

Kurrë nuk mund të jeni i sigurt se kush është duke dëgjuar, ose lexuar komentin tuaj dhe nëse ato arrijnë te shefi juaj, përcjell "Zëri". Prandaj duhet të keni kujdes se kujt i ankoheni për kushtet e punës, sepse një ankesë e tillë mund të përfundoj tek ai që ju nuk e prisni.

Vazhdimisht jeni negativ

Në qoftë se vazhdimisht vini në punë të inatosur dhe  përhapni energji negative rreth jush, kolegët do të fillojnë të shmangen nga ju. Përveç kësaj, në mënyrë të drejtpërdrejtë e orientoni energjinë tuaj në drejtim të gabuar, por më mirë është të përqendroheni në punë dhe kreativitet. 

Duhet ta kuptosh se problemet personale duhet t’i lini jashtë objektit ku punoni dhe jo që me këto probleme t’i bezdisni të tjerët dhe të mbeteni prapa me ato që jeni të angazhuar.

Jeni i varur nga rrjetet sociale

Nëse jeni bërë aq i varur nga rrjetet shoqërore, që çdo herë që uleni në kompjuterin tuaj, madje edhe pas një ndërprerje prej 10 minutash, automatikisht kyçeni në Facebook ose Twitter, atëherë kjo mund të shkëput vëmendjen tuaj, që do të thotë se produktiviteti juaj është në rënie.

Gjithmonë e thoni atë që mendoni

Ka një ndryshim në mes të marrëdhënieve të ndershme dhe përdorimi i të vërtetës si armë për të lënduar të tjerët.

Në një mjedis të punës, është e rëndësishme që gjithmonë të mendoni për pasojat e mundshme para se të thoni se çfarë mendoni, transmeton "Zeri.info". Nëse thoni diçka të gabuar, madje edhe kur besoni se  mendoni sinqerisht, ajo mund të dëmtojë dikë.

Ndoshta ndonjëherë ju presin disa kritika, por bëhuni të kujdesshëm.

Mos e bëni veten tuaj një budalla

Ju pëlqen të tregoni shaka, për të bërë të qeshin të tjerët dhe kjo është arsyeja pse ju adhurojnë në zyre, por kini kujdes, kjo sjellje mund të jetë një thikë me dy teha, pasi që nuk do t’ju kuptojnë seriozisht në një moment të rëndësishëm për ju.

Vet-ngecja

Psikologjia e njeriut ka tendencë për të filluar vetë pengimin, duke u përpjekur për të mbrojtur egon nga dështimi. Çështja është se njerëzit me vetëdije fillojnë të sabotojnë përpjekjet e veta, për shembull, deheni një natë para një takimi të rëndësishëm, transmeton "Zeri.info".

Ashtu mund të keni justifikim për dështimin para se të keni provuar. Ose, filloni të arsyetoheni për një problemi shëndetësor të kohëve të fundit, për shkak të cilit nuk e keni kryer punën si duhet.

Në qoftë se tregohet se keni dhënë më të mirën nga vetja dhe nuk keni arritur sukses, ajo mund të jetë një goditje e madhe për egon juaj. Problemi është se, në këtë mënyrë, ju nuk do të jeni në gjendje të jepni 100 për qind nga vetja juaj dhe gjithmonë do të arrini rezultate mesatare.   

Nënvlerësoni veten

Është joreale të pritet që shefi gjithmonë të jetë në gjendje për të vlerësuar potencialin tuaj të fshehur. Mos qëndroni vazhdimisht anash dhe të prisni t’ju vërejnë, por edhe ju vetë përpiquni për të tërhequr vëmendjen rreth vetes tuaj. Para kësaj, ju duhet të njihni mirë aftësitë dhe mangësitë tuaja.

Mos i zmadhoni problemet

Me siguri se keni dëgjuar tregim për djaloshin dhe ujkun, kur djaloshi pa nevojë kishte paralajmëruar fshatarët për ujkun dhe përfundimisht, kur erdhi ujku me të vërtetë, ata nuk i besuan.

Gjithashtu, mos e bëni çdo punë dramatike, sepse njerëzit do të fitojnë përshtypjen se çdo detyrë ju duket e vështirë. /ZËRI/

© zëri.info