Me këto produkte mund t’i zbardhni dhëmbët
Buzëqeshja juaj për shkak të kafesë, të cigareve dhe prej çajeve të shumta që konsumoni është gjithçka tjetër përveçse e bardhë?
Shumë keq, por edhe në këtë rast mund të ndërhyjmë pa bërë ndonjë trajtim kimik që mund të shkatërrojë smaltin apo që i bën keq shëndetit, transmeton "Zeri.info".
Përveç këtyre, midis shumë produkteve kimike në treg që u dedikohen zbardhjes së dhëmbëve ekzistojnë një seri përbërësish natyralë, më pak të dëmshëm dhe po aq efektivë.
Kështu që ne po ju propozojmë disa mënyra më të lehta dhe lira për t’i zbardhur dhëmbët.
Sodë bikarbonat dhe kripë
Duke kombinuar gjysmë luge gjelle sodë buke me gjysmë lugë kripë, atëherë ju do të krijoni pastrues dhëmbësh shumë të efektshëm. Për sa i përket përdorimit, ajo përdoret thjesht si një pastë dhëmbësh.
Lyejeni furçën e dhëmbëve me këtë përbërës (sode buke dhe kripë të përziera me pak ujë) dhe kalojeni nëpër dhëmbë, përcjell "Zëri". Por, mos e bëni këtë më shumë se një herë në javë. Një përdorim i shpeshtë mund ta dëmtojë smaltin.
Uji
Është pija më e popullarizuar në botë. Por uji është ideal edhe për të pasur dhëmbë të bardhë. Nëse bëni një gargarë për 30 sekonda pas ngrënies ajo do t’ju ndihmojë të parandaloni njollat.
Qumështi në çaj
Kremi në kafe ose qumështi në çaj ndryshojnë gjendjen kimike të tyre për të shmangur njollat te dhëmbët, transmeton "Zeri.info". Kështu që mos harroni t’i shtoni ata në pijet tuaja të preferuara.
Sherbelë e freskët
Merrni një gjethe sherbelë të freskët dhe fërkojeni atë mbi dhëmbë. Rezultati do të jetë befasues, pa asnjë rrezik për dhëmbët. Ndërkohë, ju nuk do të harxhoni për trajtime dentare. /ZËRI/