Ekonomia

ÇOHU: Vazhdon ‘kapja’ Telekomit të Kosovës

ÇOHU: Vazhdon ‘kapja’ Telekomit të Kosovës
22 qershor 2018 • 15 : 16

Lexoni lajmet më të fundit nga vendi dhe bota

Organizata për Demokraci, Anti-korrupsion dhe Dinjitet “ÇOHU!” ka reaguar pas zyrtarizimit të Gent Begollit si kryeshef ekzkekutiv i Telekomit të Kosovës.

Sipas organziatës, vendimi i Bordit të Drejtorëve të Telekomit të Kosovës për zgjedhjen e Gent Begollit, kryeshef ekzekutiv të kësaj ndërmarrje tregon qartë tendencën e partive politike për t’i dërguar njerëzit e tyre në detyra kyçe.

LEXO EDHE: Gent Begolli zgjidhet Kryeshef Ekzekutivi i Telekomit të Kosovës

“Gent Begolli është anëtar i Aleancës për Ardhmërinë e Kosovës (AAK), ish-drejtor i Drejtorisë për Shërbime Publike në Komunën e Prishtinës nga kjo parti në mandatin e kaluar, me vota unanime është zgjedhur kryeshef ekzekutiv në këtë ndërmarrje e cila nga ndërhyrjet edhe politike është para falimentimit”, thuhet në komunikatën e organizatës.

ÇOHU konstaton se Begolli nuk është i vetmi që ka lidhje me partitë politike, apo me njerëz të politikës. Pjesa më e madhe e Bordit të Drejtorëve po ashtu ka lidhje me politikën.

“Është raportuar se në këtë bord janë përzgjedhur Besa Shatri Berisha, gruaja e deputetit të AAK-së Bekë Berisha. Skënder Hoti ishte bashkëluftëtar i Fatmir Limajt, por ka mohuar që është pjesë e Nismës Socialdemokrate. Anëtari tjetër i bordit të Telekomit Sead Ujkani është mik i deputetit të PDK-së Mërgim Lushtakut, djali i ish-kryetarit të Skenderajt Sami Lushtakut”, thuhet në komunikatë.

Sipas organizatës, edhe bordet e kaluara të Telkomit të Kosovës kanë qenë me njerëz që kanë pasur lidhje të drejtpërdrejta me partitë politike që kanë qenë në pushtet.

Hulumtimet e realizuara nga ÇOHU!, tregojnë se ardhja e një partie politike në pushtet  shpërfaqë menjëherë ndikimin e asaj partie në punësimin e njerëzve në pozita të larta vendimmarrëse. Pas Partisë Demokratike të Kosovës (PDK) dhe Lidhjes Demokratike të Kosovës (LDK), një gjë të tillë po dëshmohet që po e bënë edhe AAK-ja, e cila është duke e udhëhequr me qeverinë.

ÇOHU konsideron se përzgjedhjet e tilla do të ndikojnë në degradimin e mëtutjeshëm Telekomin e Kosovës, kompani kjo që po shkon drejt falimentimit.

© zëri.info