Ministria e Mjedisit me strategji të re për mbeturina
Në Kosovë së shpejti do të fillojë të zbatohet strategjia e re për menaxhimin e mbeturinave, shkruan “Zëri.info”.
Kjo është bërë e ditur në kuadër të organizimit në javën për Zhvillim të Qëndrueshëm.
Këshilltari politik i ministres Albena reshitaj, Leutrim Sahiti, gjatë fjalimit të tij në panel ka konfirmuar se me iniciativën e ministres Reshitaj, së shpejti do të hartohet një strategji e re për menaxhimin e mbeturinave.
“Ke iniciativën e ministres Reshitaj, më qëllim të largimit të këtyre deponive shumë shpejtë do të nxjerrim strategjinë e re për menaxhimin e mbeturinave, kemi krijuar Komitetin Drejtues për Sektorin e Menaxhimit të Mbeturinave në kuadër të së cilit do të bëhet zhvillimi i kapaciteteve të eksperteve në nivel lokal dhe qendror, rishikimi i tarifave, menaxhimi i te dhënave nga mbeturinat, monitorimi dhe raportimi etj”, ka thënë Sahiti.
Në këtë panel janë diskutuar edhe një sërë ndryshimesh tjera.
“Veprime tjera që kemi filluar janë ndryshimi i Udhëzimit Administrativ për Gjobat Mandatore, krijimi i Policisë së Gjelbër, themelimi i Eko- Fondit, Lansimi i fushatës për largimin e deponive ilegale nga 5 Qershor e cila do të vazhdojë gjatë tërë vitit, fushata për ngritjen e vetëdijesimit dhe ndërgjegjësimit mjedisor”, ka thënë tutje Sahiti. /ZËRI