Këto janë 15 projektet milionëshe që do të financohen nga BERZH
Kosova mori pjesë në Samitin e Londrës, ku u prezantuan 40 projekte për financim. Mirëpo, nga këto projekte si duket do të përkrahen vetëm 15.
Kështu ka bërë të ditur ministri i zhvillimit ekonomik, Valdrin Lluka, i cili ka publikuar listën e këtyre projekteve që mund të financohen nga BERZH-i.
Në mesin e projekteve të cilat do të mund të financohen janë edhe Unaza e jashtme e Prishtinës, që kap vlerën 60 milionë euro, autostrada për Merdare, e cila kap vlerën 80 milionë euro dhe rehabilitimi i Kosovës B nëse i kalon disa teste të përcaktuara nga Banka me mbi 100 milionë euro.
Ndërkaq, kjo është lista e plotë e projekteve të cilat do të financohen nga BERZH-i:
Unaza e jashtme e Prishtinës – 60 milionë EUR
Ujë matësit dixhital për çdo shtëpi – 15 milionë EUR
Trajtimi i ujërave të zeza në Gjilan – 30 milionë EUR
Infrastruktura përcjellëse e impiantit të trajtimit të ujërave të zeza në Prishtinë – 30 milionë EUR
Autostrada për në Merdare – 80 milionë EUR
Zgjerimi i Parkut të Biznesit në Drenas – 15 milionë EUR
Parkun teknologjik dhe inkubator biznesi – 5 milionë EUR
Projekte në energji të ripërtëritshme – varësisht nga madhësia dhe kërkesa e sektorit privat
Ngrohtore Qëndrore të Qyteteve më kusht që nxehtësia gjenerohet nga energjia e gjelbër (biomasë, biogas ose gjeotermike) – rreth 30 milionë EUR për qytet:
- Ndryshimi i gypave të vjetër në Ujësjellësit Rajonal të Gjakovës – 12 milionë EUR
- Nëse lejon kapaciteti financiar në komuna, autobusë të njëjtë si në Prishtinë
- Rehabilitimi i Kosovës B nëse i kalon disa teste të përcaktuara nga Banka – mbi 100 milionë EUR
- Rehabilitimi i Hekurudhave – 9 milionë EUR
- Rregullimi i shtretërve të lumenjve
- Rezervuar dhe diga të Ujit
Kosova momentalisht është vendi i 3të në Ballkanin Perëndimor për nga bashkëpunimi me BERZH!/Ndertimi.info
