Akciza në mazut rrezikon falimentimin e Ngrohtores në mes të dimrit

Moszbatimi i vendimit të kryeministrit Ramush Haradinaj për lirim të akcizës për mazut nga ana e Doganës së Kosovës po e dërgon drejt falimentimit Ngrohtoren e qytetit të Gjakovës, pikërisht në kohën kur vendi po përballet me temperatura të ulëta, shkruan sot Gazeta 'Zëri'.

Duke shfrytëzuar vendimin e kryeministrit të Kosovës, të datës 06.10.2017, menaxhmenti i kësaj ndërmarrjeje publike përmes kontraktorit deri më tash është furnizuar me mazut pa akcizë. Por nga fillimi i kësaj jave Dogana sërish ka filluar të aplikojë këtë taksë pa dhënë ndonjë sqarim.

Kryeshefi i kësaj ndërmarrjeje publike thotë se kompania që ai drejton po futet drejt një krize të thellë, pasi ndërmarrja nuk ka mjete për ta paguar akcizën në mazut.

“Ne deri më tash përmes kontraktorit kemi importuar mazut pa akcizë, por nga dje ata nuk po na lejojnë më. Ne nuk kemi mjete për ta paguar akcizën. Nëse nuk ndërhyn Qeveria për ta qartësuar situatën qytetarët e Gjakovës, të cilët ngrohen nga Ngrohtorja, rrezikojnë të mesin pa të”, ka thënë i shqetësuar kryeshefi Shala.

LEXO EDHE: Hetohen lejet e ndërtimit të lëshuara në dy vjetët e fundit

Sipas tij, një ton mazut deri më tash pa paguar akcizën është blerë për rreth 500 euro, por me akcizë ajo është mbi 800 euro, shumë kjo e papërballueshme për një ndërmarrje siç është Ngrohtorja e qytetit të Gjakovës.

“Unë për situatën e krijuar kam njoftuar kryetarin e Komunës, por do t’i njoftojmë edhe institucionet qendrore. Kjo nuk ka kuptim, vendimi i Qeverisë është në fuqi, ndërsa Dogana nuk e respekton atë. Kjo për mua është e pakuptimtë”, ka thënë Shala për gazetën “Zëri”.

MST: Stavileci: Kërkesa e kësaj ndërmarrjeje është duke u shqyrtuar

I kontaktuar nga gazeta “Zëri” drejtori i Doganave të Kosovës, Bahri Berisha, nuk ka dashur të japë shpjegime se si deri më tash mazuti për nevoja të kësaj ndërmarrjeje është importuar pa akcizë, derisa nga e hëna edhe për këta ka filluar ta aplikohet norma e akcizës.

“Për këtë çështje është mirë të flisni me dikë nga Ministria e Financave, pasi ne vetëm zbatojmë vendimet dhe nuk i hartojmë ato”, ka thënë Berisha për gazetën “Zëri”.

Më tutje gazeta ka kërkuar nga kryeministri informacione se me çfarë vendimi ka lejuar deri më tash kompaninë publike për nevoja të saj të importojë mazut pa TVSH-në dhe me çfarë vendimi ka ndaluar që të importojë mazut pa TVSH-në, por edhe për këtë çështje Berisha nuk ka dhënë shpjegime.

“Pyetni ata të komisionit të Ministrisë së Financave”, ka thënë shkurt Berisha përmes telefonit.

Po ashtu edhe zëdhënësi i Doganës ka bërë të ditur se vendimet e Qeverisë kanë të bëjnë direkt me prodhuesit jo vetëm me një kompani. “Pra, edhe secila kërkesë e dorëzuar trajtohet veçantë nga Komisioni për Shqyrtimin e Kërkesave. Kërkesa e kësaj ndërmarrjeje publike është duke u shqyrtuar dhe komform vendimit të Komisionit edhe do të pronësohet tutje. Gjithsesi duhet të merret parasysh fakti se kjo është një ndërmarrje publike e subvencionuar nga shteti”, ka thënë Stavileci për gazetën “Zëri”. 

Më tutje gazeta ka kërkuar nga kryeministri informacione se me çfarë vendimi ka lejuar deri më tash kompaninë publike për nevoja të saj të importojë mazut pa TVSH-në dhe me çfarë vendimi ka ndaluar që të importojë mazut pa TVSH-në, por edhe për këtë çështje Berisha nuk ka dhënë shpjegime.

“Pyetni ata të komisionit të Ministrisë së Financave”, ka thënë shkurt Berisha përmes telefonit.

Po ashtu edhe zëdhënësi i Doganës ka bërë të ditur se vendimet e Qeverisë kanë të bëjnë direkt me prodhuesit jo vetëm me një kompani. “Pra, edhe secila kërkesë e dorëzuar trajtohet veçantë nga Komisioni për Shqyrtimin e Kërkesave. Kërkesa e kësaj ndërmarrjeje publike është duke u shqyrtuar dhe komform vendimit të Komisionit edhe do të pronësohet tutje. Gjithsesi duhet të merret parasysh fakti se kjo është një ndërmarrje publike e subvencionuar nga shteti”, ka thënë Stavileci për gazetën “Zëri”

MST: Shatri: Vendimi i kryeministrit është në fuqi

Po ashtu edhe Haki Shatri, këshilltar për ekonomi i kryeministrit të Kosovës Ramush Haradinaj, ka thënë për gazetën “Zëri” se vendimi i kryeministrit i cili liron nga akciza në mazut prodhuesit është në fuqi dhe deri në këtë moment nuk ka asnjë vendim tjetër që e shfuqizon atë.

“Vendimet e kryeministrit duhet të zbatohen ashtu siç janë. Kështu që unë nuk kam më shumë informacione se çfarë ka ndodhur këtu saktësisht”, ka thënë Shatri përmes telefonit për gazetën “Zëri”.

Për këtë çështje gazeta “Zëri” u ka dërguar pyetje më të detajizuara edhe Zyrës së Kryeministrit, por ata nuk kanë kthyer fare përgjigje.

MST: Çka thotë vendimi i kryeministrit

Në vendimin e kryeministrit të datës 06.10.2017 thuhet se aprovohet kërkesa e Ministrisë së Financave (MF) për të liruar nga tatimi i akcizës të gjithë prodhuesit që importojnë vetë apo përmes kontraktuesit, të cilët janë të autorizuar nga Administrata Tatimore e Kosovës për shtyrje të TVSH-së për lëndë të parë të gjitha burimet e energjisë të cilat përdoren për qëllime prodhimi.

“Vendimi i Qeverisë numër 16/20, i datës 24.03.2015, ndryshohet si vijon: Pika 7 ndryshon si në vijim: lirohen nga tatimi i akcizës të gjithë prodhuesit pavarësisht a importojnë vetë apo përmes kontraktueseve për nevoja të prodhueseve të gjitha burimet e energjisë të parapara më paragrafin 3 të vendimit të Qeverisë numër 16/20, të datës 24.03.2015, dhe atyre të parapara me Aneksin A të Ligjit numër 03/L-220 për Ndryshimin dhe Plotësimin e Ligjit numër 03/L-112 për Tatimin e Normës së Akcizës në Kosovë, të cilat përdoren për qëllime të prodhimit, ”thuhet në vendimin e kryeministrit Ramush Haradinaj.

Aty më tutje thuhet se Dogana e Kosovës do të lirojë subjektin me rastin e deklarimit të mallit për doganim përmes Deklaratës Unike Doganore dhe në rastet e importit nga kontraktuesi në rubrikën e deklaratës do të vendoset emri dhe numri fiskal i prodhuesit, i cili është i autorizuar nga ATK-ja. /Zëri/