Intervistë e rrallë e ish-rektorit Ejup Statovci pas demonstratave të studentëve më 1 tetorit
Sot bëhen 21 vite që nga demonstratat masive të studentëve të Universitetit të Prishtinës kundër regjimit okupues të Sllobodan Millosheviqit, raporton “Zëri.info”.
Më 1 tetor të vitit 1997 studentët në krye me rektorin e atëhershëm të Universitetit të Prishtinës, Ejup Statovci ishin përballur me policinë serbe, me ç`rast edhe ky i fundit ishte arrestuar.
Për këtë protestë, në detaje kishe folur rektori i atëhershëm Statovci.
“Ne qëndronim para policisë, tytave dhe tankeve të tyre plotësisht të lirë, pa frikë e shqetësim, se ishim vigjilentë për misionin tonë dhe krenaria jonë nuk durohej nga policia”, kishte rrëfyer Statovci për gazetën “Zëri” një orë pas lirimit nga arresti i policisë serbe.
LEXO EDHE: Fotografi të rralla nga demonstrata e 1 tetorit
Ai kishte treguar se nuk kishte pranuar të dilte nga policia, pa e garantuar se do t’i lironin edhe studentët e tjerë të cilët ishin arrestuar nga demonstrata.
“Vetë e dëgjova një polic i cili i tha kolegut të tij ‘Shih sa krenar që janë këta shqiptarë’ Kjo porosi e jonë përgjithësisht duket se i çmendi fare”, kishte thënë ai.
“Zëri.info”, ju sjell intervistën e plotë të ish-rektorit të Universitetit të Prishtinës, Ejup Statovci dhënë për gazetën “Zëri”, e cila ishte publikuar më 4 tetor të atij viti. /ZËRI
